ئىزدەخەۋەر > ئىقتىساد >
جۇڭگودىكى 500 كۈچلۈك پۇقراۋى كارخانا ئېلان قىلىندى
مەنبە : خەلق تورى
2017-10-07 12:40:15
خەلق تورى ئۇيغۇرچە قانىلىنىڭ 25-ئاۋغۇست بېيجىڭدىن بەرگەن تېلېگراممىسى: مەملىكەتلىك سودا-سانائەتچىلەر بىرلەشمىسى ئۇيۇشتۇرغان 2017-يىللىق جۇڭگودىكى 500 كۈچلۈك پۇقراۋى كارخانا جىنەندە ئېلان قىلىندى. «خۇاۋېي»، «سۇنىڭ»، «ۋېيچياۋ» ئالدىنقى ئۈچنىڭ ئىچىگە كىردى.

  2017-يىللىق جۇڭگودىكى 500 كۈچلۈك پۇقراۋى كارخانا تىزىملىكىدە، ئالتە كارخانىنىڭ 2016-يىللىق تىجارەت كىرىمى 300 مىليارد يۈەندىن ئېشىپ، بىرىنچى سەپنى شەكىللەندۈردى. ئۇلار «خۇاۋېي» مەبلەغ سېلىش پاي كونترول چەكلىك شىركىتى، «سۇنىڭ» پاي كونترول گۇرۇھى، شەندۇڭ «ۋېيچياۋ» ئىگىلىك تىكلەش گۇرۇھى چەكلىك شىركىتى، «خەيخاڭ» گۇرۇھى چەكلىك شىركىتى، «جېڭۋېي» خەلقئارا گۇرۇھى چەكلىك شىركىتى، «لىيەنشياڭ» پاي كونترول چەكلىك شىركىتى.

  «خۇاۋېي» مەبلەغ سېلىش پاي كونترول چەكلىك شىركىتىنىڭ تىجارەت سوممىسى 500 مىليارد يۈەندىن ئېشىپ، 500 كۈچلۈك پۇقراۋى كارخانا ۋە 500 كۈچلۈك پۇقراۋى كارخانا ياسىمىچىلىقى بويىچە 1-ئورۇندا تۇردى. «سۇنىڭ» پاي كونترول گۇرۇھى 100 كۈچلۈك پۇقراۋى كارخانا مۇلازىمەتچىلىكى بويىچە ئۇدا 1-ئورۇندا تۇردى. تىزىملىكتىكى 2016-يىلى مۈلۈك ئومۇمىي سوممىسى 100 مىليارد يۈەندىن ئاشقان كارخانىلار 50 كە يېتىپ، 2015- يىلىدىكىدىن 16سى كۆپىيىپ، ئېشىش نىسبىتى %47.05 بولدى. «خېڭدا» گۇرۇھى چەكلىك شىركىتى 1 تىرىليون 350 مىليارد 868 مىليون يۈەنلىك كۆلىمى بىلەن مۈلۈك ئومۇمىي سوممىسى بويىچە 1-ئورۇندا تۇردى.

  شىنجاڭ گېزىتى تەرجىمىسى

  مەنبە: خەلق تورى...

تولۇق مەزمۇنى: بۇ يەرنى چىكىڭ!

wiki.izda.com
izda
  • 01
  • 01

ئۈستىگە قايتىش